Skip to main content

Faiz Ahmad Faiz



"Gulon mein rang bhare"
↞↜⇜⥳⬲⥵⇝↝↠


Faiz Ahmad Faiz


Gulon mein rang bhare baad-e-nau-bahaar chale
chale bhi aao ki gulshan ka karobar chale


Qafas udaas hai yaaron saba se kuchh to kaho
kahin to bahr-e-khuda aaj zikr-e-yaar chale


Kabhi to subah tire kunj-e-lab se ho aaghaz
kabhi to shab sar-e-kakul se mushk-baar chale


Bada hai dard ka rishta yeh dil gharib sahi
tumhare naam pe aayenge gham-o-saar chale


Jo hum pe guzri so guzri magar shab--e-hijraan
humare ashk teri aqibat sanvaar chale


Huzur-e-yaar huyi daftar-junun ki talab
girah mein le ke garebaan ka taar taar chale


Maqam 'faiz' koi raah mein jacha hi nahi
jo ku-e-yaar se nikle to su-e-daar chale


↞↜⇜⥳⬲⥵⇝↝↠
↞↜⇜⥳⬲⥵⇝↝↠

Ghazal: Faiz Ahmad Faiz

"Hum Dekhenge"

Lazim hai ke
hum bhi dekhenge
wo din ke jiska wada hai
Jo lauh-e-azl mein likha hai
"Hum Dekhenge"

Jab Zulm-o-sitam ke koh-e-garan
rooi ki tarah udd jayenge
hum mehkumon ke paon tale
ye dharti dhad dhad dhadkegi
Aur Ahl-e-hakam ke sar upar
jab bijli kad kad kadkegi
"Hum Dekhenge"

Jab arz-e-khuda ke kaabe se
sab but uthwaye jayenge
hum ahl-e-safa mardood-e-haram
masnad pe bithaye jayenge
sab taaj uchale jayenge
sab takht giraye jayenge
"Hum Dekhenge"

bas naam rahega ALLAH ka
jo gayab bhi hai, hazir bhi
jo manzar bhi hai, nazir bhi
utthega anal-haq ka nara
Jo main bhi hoon, tum bhi ho
Aur raaj karegi khalq-e-khuda
Jo main bhi hoon, aur tum bhi ho

↞↜⇜⥳⬲⥵⇝↝↠
"हम देखेंगे"
लाज़िम है के
हम भी देखेंगे
वो दिन के जिसका वादा है
जो लौह-ए-अज़्ल में लिखा है
"हम देखेंगे"

जब जुल्म-ओ-सितम के कोह-ए-गराँ
रूई की तरह उड़ जायेंगे
हम मेहकुमों के पाओं तले
ये धरती धड़ धड़ धड़केगी
और अहल-ए-हकम के सर ऊपर
जब बिजली कड़ कड़ कड़केगी
"हम देखेंगे"

जब अर्ज-ए -ख़ुदा के काबे से
सब बुत उठवाये जायेंगे
हम अह्ल-ए -सफा मरदूद-ए -हरम
मस्नद पे बिठाये जायेंगे
सब ताज उछाले जायेंगे
सब तख़्त गिराए जायेंगे
"हम देखेंगे"

बस नाम रहेगा अल्लाह का
जो गायब भी है, हाज़िर भी
जो मंज़र भी है, नाज़िर भी
उट्ठेगा अनल-हक़ का नारा
जो मैं भी हूँ और तुम भी हो
और राज़ करेगी ख़ल्क-ए-ख़ुदा
जो मैं भी हूँ और तुम भी हो
"हम देखेंगे"



Comments

Popular posts from this blog

Zubair Ali Tabish

Main kya bataun woh kitna kareeb hai mere mera khayal bhi usko sunai deta hai woh jisne aankh ata'a ki hai dekhne ke liye usi ko chhod ke sab kuch dikhai deta hai isi khushi ne mera dum nikal rakha hai ke usne ab bhi mera ghum sambhal rakha hai main khaak hi to hun aakhir mera banega kya mujhe kumhaar ne chakkar mein daal rakha hai ↞↜⇜⥳⬲⥵⇝↝↠ rokar apni har zid manwa sakta hun main pani se patthar pighla sakta hun shukr hai koi chadar mere pass nahi jitne marzi paanv faila sakta hun mujhko itni dhoom se rukhsat mat kijiye mera kya main wapas bhi aa sakta hun ↞↜⇜⥳⬲⥵⇝↝↠ Paheli zindagi ki, kab tu aye nadaan samjhega bahut dushwariyan hongi agar aasaan samjhega kisi bhuke se mat puchho mohabbat kisko kehte hain tum aanchal bichhao-ge woh dastarkhwan samjhega ↞↜⇜⥳⬲⥵⇝↝↠ Is zamane ko zamane ki ada'a aati hai aur ek hum hain humein sirf wafa'a aati hai Chudiyan bech ke woh layi mere liye guitar taar chhedun to kha

Rahat Indori

Faisla jo kuch bhi ho, manjoor hona chahiye jung ho ya ishq ho bharpur hona chahiye ↞↜⇜⥳⬲⥵⇝↝↠ Raat ki dhadkan jab tak jaari rehti hai sote nahi hum, zimedaari rehti hai ↞↜⇜⥳⬲⥵⇝↝↠ Nadi ne dhoop se kya keh diya rawani mein ujale paanv patakne lage hain paani mein Ab itni sari shabon ka hisab kaun rakhe bade sawab kamaye gaye jawani mein ↞↜⇜⥳⬲⥵⇝↝↠ Jagne ki bhi, jagane ki bhi aadat ho jaye kash tujh ko kisi shayar se mohabbat ho jaye door hum kitne dino se hain kabhi gaur kiya fir na kehna jo amanat mein khayanat ho jaye Ukhde padte hain mere qabr ke patthar har din tum jo aa jao kisi din to marammat ho jaye jugnuon tumko naye chand ugane honge isse pehle ke andheron ki hukumat ho jaye   ↞↜⇜⥳⬲⥵⇝↝↠ sarhadon par bahut tanav hai kya kuch pata to karo chunav hai kya ↞↜⇜⥳⬲⥵⇝↝↠ Kahan jayen kidhar jayen pareshan haal rehte hain jahan hum panv rakhte hain, wahan bhuchal rehte hain mere sone ki ganga mein, meri chandi ki jamuna mein sunehri machliyan thi,

Haanth me unke jo talwar hai

Haanth me unke jo talwar hai, Meri gardan ki sayad talabghar hai. Har taraf menhngaai ki maar hai, Besharam haye,haye,sarkar hai. Dindahade ranharni jo hai karta yahan, Wahi dekho rahbari ka dawedar hai. Khud ko sadhu kahta hai lutera yaha, Haye, dekho ye kaisa gaddar hai. Hosh walob tum khud ab Karo faisle, Kaon gaddar hai,kaon wafadar hai. Kabhi Delhi, Banaras, Jaipur or Bangalore, Bari,bari dahsat gardi ka shikar hai. Kaunsi hai bala jo ab aati nahi, Bat ranharni,usmat dari ki sirf bekar hai. Safed-poshon haqeekat ko samjho jara, Kaun in sab ke liye zimmedaar hai. Kitne din ke maa`jid hai rab ye saza, Jisme roo`h bhi shayad giraftar hai. Ai khalik do jahan aman de ve baha, Hai ta`alib multaza garcha khatakar hai. ↞↜⇜⥳⬲⥵⇝↝↠         By - Abid rukhsan talab